نداء جرّب مجانًا
بديل البيجر في المطاعم والكافيهات

ودّع البيجر. جوال عميلك يرن لحاله.

العميل يمسح رمز الطلب ويقفل جواله. أول ما تضغط «جاهز»، يرن جواله ويهتز ويطلع رقم طلبه على شاشة القفل. بدون أجهزة تشتريها، وبدون تطبيق ينزّله.

  • بدون أجهزة
  • بدون تحميل ولا تسجيل
  • آيفون وأندرويد

للعميل

أربع لحظات، وبعدها يجلس براحته.

من أول ما يمسح الرمز لين يستلم، ما يحتاج يوقف عند الكاونتر.

صفحة «ارفع الصوت عشان نرن لك» وزر «جرّب النغمة» تذكرة الطلب رقم 47 وحالته «قيد التحضير» ومراحل الطلب الشاشة صارت خضراء: الطلب رقم 47 جاهز للاستلام
  • رقمه في الجزيرة الديناميكية
  • بطاقة في Apple Wallet، إذا يبيها
  • على أندرويد صفحة في المتصفح

كيف يشتغل

ثلاث خطوات، ولا جهاز واحد.

ما تحتاج تركيب ولا أسلاك. الكاشير يشتغل من المتصفح، والعميل من كاميرا جواله.

  1. الكاشير يكتب رقم الطلب

    من لوحة نداء على أي تابلت أو جوال. يطلع رمز QR للطلب على الشاشة، أو على شاشة ثانية مقابل العميل تخفي الرمز أول ما يفتحه.

  2. العميل يمسح ويقفل جواله

    بكاميرا الجوال، بدون تحميل ولا تسجيل. يجرّب النغمة مرة، وبعدها يجلس براحته.

  3. تضغط «جاهز»، يرن جواله

    يرن ويهتز، ويطلع رقمه على شاشة القفل. ولو ما جا، نداء يذكّره مرة ثانية.

للمحلات

لوحة واحدة بدل صندوق أجهزة.

كل اللي يحتاجه الكاونتر عندك، على التابلت أو الجوال اللي معك من الحين.

لوحة الكاشير

لوحة كاشير في المتصفح

على التابلت أو الجوال اللي عندك. طلب جديد بضغطة، و«جاهز» بضغطة.

يمسح بالكاميرا ويمشي

بدون تحميل ولا تسجيل. على الآيفون يفتح كـ App Clip.

شاشة مقابل العميل

تعرض رمز الطلب، وتخفيه أول ما يفتحه العميل.

ملخص يومك أرقام للتوضيح

عدد الطلبات، ومتوسط وقت التحضير، وكم ينتظر العميل بعد «جاهز».

ما جا؟ نذكّره

نرن له مرة ثانية ونذكّره، لين يستلم أو تقفل الطلب.

كل فروعك

دخول لكل فرع، وشعارك ولونك في صفحة العميل.

قبل وبعد

البيجر؟ خلّه في الدرج.

قارن الفاتورتين. وحدة فيها صندوق أجهزة، والثانية فيها جوال العميل وبس.

قبل

جهاز البيجر


  • أجهزة تشتريها وتشحنها وتصلّحها
  • يضيع، أو يطلع مع العميل
  • يتنقل بين أيادي الناس طول اليوم
  • مداه محدود، فالعميل ما يبعد
  • يرن مرة، وإذا ما انتبه العميل ضاع الدور

الإجماليجهاز لكل طلب

بعد

نداء


  • جوال العميل هو البيجر
  • ما فيه شي يضيع أو يرجع
  • بدون لمس، بدون تعقيم
  • يوصله «جاهز» وين ما كان
  • ولو ما جا، نذكّره مرة ثانية

الإجماليولا جهاز

الخصوصية

ما نسأله عن اسمه، ولا رقم جواله، ولا موقعه.

رقم الطلب يكفي. التفاصيل في سياسة الخصوصية.

  • بدون حساب
  • بدون تتبع
  • بيانات الطلب تنحذف خلال يوم

اشتراك شهري للمحل

جرّب 14 يوم
مجانًا.

راسلنا ونجهّز لك اللوحة والفروع بنفسنا. وبعد التجربة، اشتراك شهري للمحل.

أسئلة

اللي يسألونه عادة.

عندك سؤال ثاني؟ راسلنا على support@callnida.com أو شوف صفحة الدعم.

هل العميل يحتاج ينزّل تطبيق؟

لا. على الآيفون يفتح نداء كـ App Clip من مسح الرمز مباشرة، وعلى أندرويد تفتح صفحة الطلب في المتصفح. بدون تسجيل.

هل نحتاج أجهزة جديدة؟

لا. لوحة الكاشير تشتغل في المتصفح على أي تابلت أو جوال أو كمبيوتر. وإذا عندك شاشة ثانية، تعرض رمز الطلب للعميل.

وش لو جوال العميل على الصامت؟

نطلب منه يجرّب النغمة قبل لا يبدأ، ونوريه كيف يرفع الصوت. وعلى الآيفون يطلع رقمه على شاشة القفل والجزيرة الديناميكية، فيشوفه حتى لو ما سمع.

وش لو العميل ما جا بعد «جاهز»؟

نداء يذكّره مرة ثانية. وفي لوحة الكاشير تشوف الطلبات الجاهزة اللي ما انستلمت.

عندي أكثر من فرع، كيف أرتبها؟

كل فرع له دخول خاص ومكان استلام خاص. وشعارك ولونك يطلعون للعميل في صفحة الطلب.

هل تجمعون بيانات العملاء؟

ما نطلب اسم ولا رقم جوال ولا موقع. بيانات الطلب تنحذف خلال يوم. التفاصيل في سياسة الخصوصية.

كم السعر؟

اشتراك شهري للمحل، وتبدأ بتجربة مجانية 14 يوم. راسلنا ونرسل لك التفاصيل.